जिद्द, मेहनत आणि ज्ञानाच्या साधनेतून डॉ. सत्यवती खळदकर यांची पीएच.डी. ची गौरवशिखरे

| पुणे : प्रतिनिधी
   बीबीसीस्काय न्युज मराठीसाठी

शिक्षण क्षेत्रात यश मिळविण्यासाठी केवळ पदवी पुरेशी नसते, तर त्यामागे असते ती सातत्यपूर्ण मेहनत, ज्ञानाची भूक, संशोधनाची जिद्द आणि ध्येय गाठण्याची प्रबळ इच्छाशक्ती. याच जिद्द आणि मेहनतीच्या जोरावर सरहद लॉ स्कूलच्या प्राचार्या डॉ. सत्यवती राजेश खळदकर यांनी पीएच.डी. पदवी प्राप्त करीत आणखी एक मानाचा टप्पा गाठला आहे.

डॉ. खळदकर यांनी विधी विभागांतर्गत भारतातील वैद्यकीय निष्काळजीपणा कायद्याच्या कायदेशीर तरतुदींचा एक चिकित्सक अभ्यास  ( ‘Medical Negligence’ ) या महत्त्वपूर्ण विषयावर सखोल संशोधन करून पीएच.डी. पदवी संपादन केली आहे. त्यांच्या या यशामागे अनेक दिवस-रात्र केलेले वाचन, अभ्यास, संशोधन आणि विषयाचा सखोल वेध घेण्याची जिद्द आहे.

प्राचार्यपदाची जबाबदारी सांभाळताना शैक्षणिक कामकाज, विद्यार्थ्यांचे मार्गदर्शन, संस्थेच्या विविध जबाबदाऱ्या आणि त्यासोबत पीएच.डी.साठी आवश्यक असलेले संशोधन पूर्ण करणे, ही निश्चितच आव्हानात्मक बाब होती. मात्र, अडचणींना न घाबरता त्यांनी आपल्या ध्येयाकडे सातत्याने वाटचाल केली आणि अखेर आपल्या मेहनतीला यशाची सुंदर किनार मिळविली.

त्यांच्या या यशाने केवळ त्यांचे वैयक्तिक शैक्षणिक कर्तृत्व अधोरेखित झाले नाही, तर सरहद लॉ स्कूलच्या शैक्षणिक आणि संशोधन क्षेत्रातील वाटचालीलाही नवी ऊर्जा मिळाली आहे. विद्यार्थ्यांसाठी प्राचार्या म्हणून मार्गदर्शक असलेल्या डॉ. खळदकर यांनी आपल्या कृतीतूनही ‘शिकण्याला वयाची मर्यादा नसते आणि ज्ञानाची साधना कधीही थांबू नये’ हा संदेश दिला आहे.

पीएच.डी. पदवी प्राप्त झाल्याची बातमी समोर येताच सरहद लॉ स्कूलमधील विद्यार्थी, शिक्षक आणि शिक्षकेतर कर्मचारीवर्गाने त्यांचे मनःपूर्वक अभिनंदन केले. सहकाऱ्यांच्या शुभेच्छा, विद्यार्थ्यांचा आनंद आणि आपल्या मेहनतीचे मिळालेले हे फलित त्यांच्या शैक्षणिक प्रवासातील निश्चितच एक भावनिक आणि अभिमानाचा क्षण ठरला.

डॉ. सत्यवती राजेश खळदकर यांच्या या गौरवास्पद यशाबद्दल सरहद लॉ स्कूल परिवाराच्या वतीने त्यांचे हार्दिक अभिनंदन करण्यात आले असून, त्यांच्या पुढील शैक्षणिक, संशोधनात्मक आणि सामाजिक वाटचालीस मनःपूर्वक शुभेच्छा देण्यात आल्या आहेत.