| दौंड : प्रतिनिधी
बीबीसीस्काय न्युज मराठीसाठी
दौंड शहरातील मध्यवर्ती भागात, अगदी पोलीस स्टेशनच्या समोर असलेल्या एका नामांकित हॉटेलमध्ये मध्यरात्री धाडसी चोरीची घटना सोमवार, दि. ११ ऑगस्ट रोजी पहाटे सुमारे ३ वाजण्याच्या सुमारास घडलेला हा प्रकार हॉटेलमधील CCTV कॅमेरात स्पष्टपणे कैद झाला आहे.
मिळालेल्या माहितीनुसार, अज्ञात चोरट्यांनी हॉटेलमध्ये प्रवेश करून रोकड रक्कम चोरून नेली. घटनेची माहिती मिळताच दौंड पोलिसांनी तात्काळ घटनास्थळी पोहोचून पंचनामा केला व आरोपींचा शोध सुरू केला आहे.
परंतु, ही घटना पोलीस स्टेशनच्या समोरच घडल्याने, त्या वेळी गस्त सुरू होती का, पहारेकऱ्यांनी काही पाहिले का, आणि पोलिसांची रात्रपाळी कितपत सक्रिय होती, याबाबत स्थानिकांमध्ये चर्चा सुरू झाली आहे. व्यापारी संघटना व नागरिकांनी आरोपींना तात्काळ अटक करण्याची मागणी करत, शहरात गस्त वाढविण्यासह सुरक्षा उपाय कडक करण्याचीही मागणी केली आहे.